U MBAJT MBLEDHJA E TRETĖ E RREGULLT E KĖSHILLIT KOMUNAL TĖ SIGURISĖ

 

Shtime, 12 gusht 2013- Nën kryesimin e nënkryetarit të Komunës së Shtimes z. Fatmir Rashitit u mbajt mbledhja e tretë e rregullt e Këshillit Komunal për Siguri në Bashkësi (KKSB). Të pranishëm në këtë mbledhje ishin anëtarë nga Policia e Kosovës në Shtime, Zjarrfikësit, imami i Xhamisë në Shtime, përfaqësuesi i komunitetit rom, dy përfaqësues të OJQ-ve, përfaqësues i KVRL-së, anëtari i Kryqit të Kuq), zyrtari komunal për informim dhe Zyrtari për siguri dhe shpëtim etj.
Nënkryetari Rashiti tha se situata e përgjithshme e sigurisë në komunën e Shtimes është raportuar në përgjithësi e mirë, e qetë dhe pa ndonjë incident serioz. Nënkryetari Rashiti gjithashtu ritheksoi se gjatë këtij vitit është shënuar rënie e të shtënave me armë zjarri gjatë kremtimit të familjes në dasma.
Isa Tërshani, kryetar i Këshillit të Bashkësisë Islame në Shtime, njiherit imam i Xhamisë Qëndrore në Shtime, ngriti çështjen e zërit të lartë të muzikës në lokalet afër xhamisë në orët e vona të natës dhe kërkoi nga Policia e Kosovës në Shtime për të rritur patrullimin e njësive të turnit të natës
Nexhmedin Ahmeti, rreshter i Policisë së Kosovës në Shtime tha se këtë vit në përgjithësi situata është e qetë dhe stabile, mirëpo janë disa raste të thyerjeve të shtëpive të cilat janë në procedura të hetimit. Gjithashtu janë shënuar edhe disa të aksidenteve të trafikut me dëme të vogla. Ai theksoi se vendosja e kamerave në qytet ka qenë një prej projekteve të suksesshme, i cili ka ndihmuar në zbardhjen e rasteve të ndryshme, dhe se në të ardhmen mendohet që të shtohen edhe 9-të pika tjera të vëzhgimit me kamerë në qytet.
Jasmine Hysaj, përfaqësuese e OJQ-së BalkanSunfloëer në Shtime përmendi si çështje rregullimin e ndonjë rrethoje përgjatë rrugës Skënder Salihaj, e cila dërgon tek shkolla e re “Emin Duraku” dhe Qendra Rinore me qëllim të mbrojtjes së fëmijëve nga lëvizjet dhe aksidentet që mund të ndodhin nga automjetet që lëvizin në drejtim të fshatit Mollopolc.
Arton Demiri, përfaqësues i komunitetit Rom çështjen për mundësinë e këtij komunitetit.
Bajram Gashi, komandant i Njësisë së Zjarrfikësve në Shtime, tha se ka pasur 36 intervenime në raste zjarri të cilat janë më të ulëta në krahasim me vitet e mëparshme.
Në fund të takimit, nënkryetari Fatmir Rashiti mbylli takimin me porosinë që të rritet vetëdijesimi për mos të shtënë me armë zjarri gjatë ahengjeve, kujdes nga zjarrëveniet me qëllim dhe të vazhdojë bashkëpunimi edhe më i madh ndërmjet autoriteteve dhe qytetarëve për luftimin e dukurive negative.
 



Data: 12.08.2013