Pasi që kryetari i komunës, z. Naim Ismajli ndodhet në udhëtim zyrtar në Maqedoni, Zv.Kryesuesi i Kuvendit Komunal, z. Fatmir Rashiti, më 9.7.2008, ka pritur znj. Sonata Dumbliauskiene-kryesuase e Departamentit për çështje të investimeve të jashme, në komunën Alytus nga Lituania.

Në pritje kanë marrë pjesë edhe drejtori i Drejtorisë për Administratë dhe Personel, z. Kujtim Xhelili, znj. Fahrije Sadiku-drejtor i Drejtorisë për Financa, Ekonomi dhe Zhvillim dhe këshilltari ligjor në Zyrën e kryetarit, z. Ekrem Reçica.

Znj. Sonata, në emër të kryetarit të komunës Alytus, i ka dorëzuar z. Fatmir Rashitit Letrën e Qëllimit të bashkëpunimit ku ishin të vendosura fushat e mundshme për shkëmbim përvojash dhe bashkëpunim në mes të dy komunave. Në emër të kryetarit të komunës këtë letër e nënshkroi zv.Kryesuesi i Kuvendit, z. Fatmir Rashitu dhe me këtë akt nënshkrimi u bë e plotfuqishme kjo letër për të vazhduar dhe studijuar lëmitë e caktuara që do t’i përafrojnë këto dy komuna me rastin e motërzimit.

Z. Fatmir Rashiti dhe znj Sonata kanë biseduar për specifikat e dy komunave dhe kanë arritur në përfundim se përafërsisht janë të njëjta, edhe për nga numri i popullsisë, edhe për nga fushat tjera të zhvillimit pasi që të dy komunat prioritet kanë zhvillimin e bujqësisë dhe të viseve rurale. Me këtë rast z. Fatmir Rashiti i ka dorëzuar znj. Sonata Strategjinë e Zhvillimit Rural të komunës së Shtimes dhe ka pranuar dhuratën nga kryetari i komunës Alytus që përmes znj. Sonata është përcjellë që t'i dorëzohet kryetarit z. Naim Ismajli.

Pastaj, për të pasur një pasqyrë më të qartë për komunën e Shtimes, është realizuar një vizitë në QKMF dhe në lulishten “ Agrocop” dhe është shtruar një drekë pune për mysafiren nga komuna Alytus e Lituanisë.